Posts

മിഴികളിലെ അവസാന സ്വപ്നം

Image
മിഴികളിലെ അവസാന സ്വപ്നം  നിൻ പ്രണയം മറന്നിടും നാളിൽ പ്രിയേ, ഈ ജീവൻ വിടവാങ്ങും വേളയിലേ, നിൻ രൂപം കാണാത്ത മിഴികൾ രണ്ടും, നിലാവില്ലാ രാവിൽ മയങ്ങിടട്ടെ. കരളിൽ കൊളുത്തിയ സ്നേഹദീപം, കണ്ണീരിൽ കുതിരട്ടെ മൗനഗാനം, അകലുന്ന നേരത്തും അരികിലായ്, അറിയാതെ ഒഴുകട്ടെ ഓർമ്മയായ്. വസന്തം പൊഴിച്ചൊരു പൂവിതളേ, വിരഹം തഴുകിയൊരു മധുമാസമേ, നിറമുള്ള സ്വപ്നങ്ങൾ കൊഴിഞ്ഞാലും, നിറയട്ടെ നെഞ്ചിൽ നിൻ സ്മരണയും. മറ്റൊരു മുഖത്തിലും മിഴി പതിയാതെ, മറ്റൊരു സ്വപ്നവും മനസ്സിലുണരാതെ, അവസാന ശ്വാസത്തിൻ നിമിഷം വരെ, അനുരാഗം കാത്തിടും അന്ത്യമിതുവരെ. ജി. ആർ. കവിയൂർ 10.11.2026 (തിരുവല്ല, കവിയൂർ)

ധൈര്യത്തിന്റെ പറക്കൽ (ഗസൽ )

ധൈര്യത്തിന്റെ പറക്കൽ (ഗസൽ ) തലകുനിയാത്ത മനസ്സിൽ സ്വപ്നങ്ങളുടെ ആകാശം തുടരും, തളർത്താൻ വന്ന കാലത്തിലും നെഞ്ചിലെ വിശ്വാസം തുടരും. തകർക്കാനാവില്ലൊരിക്കലും സ്വപ്നഗോപുരങ്ങളാരും, തകർന്ന വഴികളിലും പ്രതീക്ഷയുടെ പ്രകാശം തുടരും. മുള്ളുകൾ വിതച്ച വഴികളിൽ പരാതികളില്ലൊന്നും, മുൾമുനകൾക്കിടയിലും പുതുവഴികൾക്ക് ആശ്വാസം തുടരും. കാലത്തിന്റെ കൊടുങ്കാറ്റിൽ മുഖങ്ങൾ മാറിയാലും, ഹൃദയത്തിൽ കാത്ത സ്നേഹത്തിന്റെ നിശ്വാസം തുടരും. കണ്ണീരിനും മായ്ക്കാനാവില്ല വേദനയുടെ അടയാളം, മുറിവുകൾ തുന്നിച്ചേർത്തും ജീവിതത്തിൻ അഭിലാഷം തുടരും. ഭയത്തിനുമുന്നിൽ മുട്ടുമടക്കില്ല ഈ മനസ്സ്, വിജയത്തിലേക്കുള്ള യാത്രയിൽ പോരാട്ടത്തിൻ ആവേശം തുടരും. 'ജി. ആർ.' മൗനത്തിലിരുന്ന് കർമ്മത്തിന്റെ ഭാഷ കുറിക്കുമ്പോൾ, വീഴ്ത്താൻ വന്നവരോടല്ല, ജീവിതത്തോടുള്ള പോരാട്ടത്തിന്റെ വിശ്വാസം തുടരും. ജി. ആർ. കവിയൂർ 10.11.2026 (തിരുവല്ല, കവിയൂർ)

കള്ളക്കഥകൾ മെനയില്ല (ഗസൽ)

Image
കള്ളക്കഥകൾ മെനയില്ല (ഗസൽ) വിധി നമ്മളെ അകറ്റിയാലും പഴിചാരില്ല പിരിയുന്ന നേരത്തും കുറ്റങ്ങൾ പറയില്ല മനസ്സിൽ വിരിഞ്ഞൊരു സ്നേഹപ്പൂവിനെ കാലം കൊഴിഞ്ഞാലും മറന്നുപോകില്ല ഒരുമിച്ചു കണ്ടൊരു സ്വപ്നം തകർന്നാലും ഒരാളുടെ മേൽ മറ്റൊരാൾ പഴിചാരില്ല അകലങ്ങൾ ജീവിതവഴിയിൽ വന്നാലും അനുരാഗത്തിൻ ഓർമ്മകൾ മായിച്ചുകളയില്ല മൗനത്തിൽ ഒളിപ്പിച്ച വേദനകളെല്ലാം മറ്റൊരാളുടെ മുന്നിൽ കഥയാക്കില്ല ജീ ആർ, അവസാന ശ്വാസം നിലച്ചാലും അന്യരായാലും സ്നേഹം മറന്നുപോകില്ല ജീ ആർ കവിയൂർ  09 11 2026 ( തിരുവല്ല, കവിയൂർ)

ഏകാന്തതയുടെ വീട്( ഗസൽ)

Image
ഏകാന്തതയുടെ വീട് ( ഗസൽ) മനസ്സിൽ മോഹങ്ങളും സ്വപ്നങ്ങളും കുറവാണ് ഈ വീട്ടിൽ വിരുന്നെത്തും അതിഥികളും കുറവാണ് പറയാൻ കഥകളേറെ, കേൾക്കാനാളില്ല സ്നേഹം പങ്കിടാൻ കൂട്ടുകാരും കുറവാണ് കടപ്പാടുകളില്ലാതെ ജീവിക്കാനാകുന്നു നമ്മെ തേടിയെത്തും സഹായങ്ങളും കുറവാണ് പൊന്നും പണവും കാക്കാൻ കാവൽ വേണ്ടിവരില്ല ഈ വീട്ടിൽ കള്ളന്മാർക്കു താൽപര്യങ്ങളും കുറവാണ് പോരാടാൻ ആയിരം വഴികൾ മുന്നിലുണ്ടല്ലോ സ്നേഹിച്ചു ജീവിക്കാൻ അവസരങ്ങളും കുറവാണ് ജീ ആറിന്റെ മനസ്സിൽ കുറഞ്ഞു മോഹങ്ങൾ ജീവിതം പകരുന്ന ആശ്വാസങ്ങൾ കുറവാണ് ജീ ആർ കവിയൂർ  08 11 2026 ( തിരുവല്ല, കവിയൂർ)

ദുഃഖങ്ങളെ പൂക്കളായ് ചേർക്കാം(ഗസൽ)

Image
ദുഃഖങ്ങളെ പൂക്കളായ് ചേർക്കാം (ഗസൽ) ദുഃഖങ്ങളെ പൂക്കളായ് ചേർക്കാം കണ്ണുനീരിൽ സ്നേഹനിലാവായ് ചേർക്കാം തകർന്നുപോയ സ്വപ്നങ്ങളെയെല്ലാം പുതിയ പ്രതീക്ഷപ്പൂവായ് ചേർക്കാം വഴികളിൽ കൊടുങ്കാറ്റുയർന്നാലും മനസ്സിൽ ധൈര്യക്കനലായ് ചേർക്കാം നൊമ്പരങ്ങൾ ഹൃദയത്തെ തൊടുമ്പോൾ മധുരമാം ഈണസ്വരമായ് ചേർക്കാം പിണങ്ങിപ്പോയ പ്രിയരെയെല്ലാം പുഞ്ചിരിതൻ പൂമഴയായ് ചേർക്കാം ജി ആർ, ജീവിതമെന്ന ഗസലിൽ ഓരോ വേദനയും ചിരിയായ് ചേർക്കാം രചന: ജീ ആർ കവിയൂർ 31 10 2026 (തിരുവല്ല, കവിയൂർ)

ज़िंदगी एक आईना है (ग़ज़ल) ജീവിതമൊരു കണ്ണാടി (ഗസൽ) Bilungal

Image
ज़िंदगी एक आईना है (ग़ज़ल) ജീവിതമൊരു കണ്ണാടി (ഗസൽ) ज़िंदगी के आईने में चेहरे नज़र आते हैं, वक़्त के हाथों में सपने सँवरते जाते हैं। ജീവിതമെന്ന കണ്ണാടിയിൽ മുഖങ്ങൾ തെളിഞ്ഞു നിൽക്കുന്നു, കാലത്തിന്റെ കൈകളിൽ സ്വപ്നങ്ങൾ മായാതെ വരുന്നു। मुस्कुराहटों के पीछे दर्द छुपा रहता है, दिल के ज़ख़्म वक़्त से भी मिटाए नहीं जाते हैं। ചിരിയുടെ പിന്നിലെ വേദന ആരും അറിയുന്നില്ല, മനസ്സിന്റെ മുറിവുകൾ കാലം മായ്ക്കാതെ വരുന്നു। कल के देखे हुए ख़्वाब यादों में बस जाते हैं, आने वाले कल के दीप दिल में बुझाए नहीं जाते हैं। ഇന്നലെ കണ്ട കിനാവുകൾ ഓർമ്മയിൽ നിറയുന്നു, നാളെയുടെ പ്രതീക്ഷകൾ ഉള്ളിൽ അണയാതെ വരുന്നു। अपने कहे थे जिनको, दूर होते चले जाते हैं, प्यार की असली क़ीमत समझने में देर लगाते हैं। സ്വന്തമെന്നു കരുതിയവർ അകലെയായി പോകുന്നു, സ്നേഹത്തിൻ വിലയറിയാൻ ജീവിതം വൈകാതെ വരുന്നു। क़िस्मत की राहों में कई लोग थक जाते हैं, गिरकर भी उठने वाले कभी हौसला नहीं हारते हैं। വിധിയുടെ വഴികളിൽ പലരും തളർന്നുപോകുന്നു, വീണിടത്തു നിന്നുയരാൻ മനസ്സ് തളരാതെ വരുന്നു। जी. आर., तू ज़िंदगी को गले लगाकर आगे बढ़, अँधेरों में भी उम्मीद क...

കരയാതെ മനസ്സേ (ഗസൽ)

Image
കരയാതെ മനസ്സേ (ഗസൽ) കരയാതെ മനസ്സേ, കരയാതെ, കണ്ണുനീരിൽ കുതിർന്നലിയാതെ. മറവിയുടെ മൂടുപടം ചാർത്തിയാലും, മുറിവിന്റെ ഓർമ്മകൾ മായാതെ. നിറയുന്ന രാവിന്റെ നിശ്ശബ്ദതയിൽ, നിലാവിന്റെ നൊമ്പരം തീരാതെ. പിരിയുന്ന വഴിയിൽ തിരിഞ്ഞു നോക്കുമ്പോൾ, പഴയൊരു സ്നേഹവും പറയാതെ. ചിരിയുടെ പിന്നിലെ തേങ്ങലറിഞ്ഞും, ചിലരൊക്കെ അരികിൽ അണയാതെ. ജീ ആർ പാടുന്നു മൗനരാഗം, ജീവിതം തീർത്തൊരു ഗസൽ മായാതെ. ജീ ആർ കവിയൂർ  27 10 2026 ( തിരുവല്ല, കവിയൂർ)