ധൈര്യത്തിന്റെ പറക്കൽ (ഗസൽ )

ധൈര്യത്തിന്റെ പറക്കൽ (ഗസൽ )

തലകുനിയാത്ത മനസ്സിൽ സ്വപ്നങ്ങളുടെ ആകാശം തുടരും,
തളർത്താൻ വന്ന കാലത്തിലും നെഞ്ചിലെ വിശ്വാസം തുടരും.

തകർക്കാനാവില്ലൊരിക്കലും സ്വപ്നഗോപുരങ്ങളാരും,
തകർന്ന വഴികളിലും പ്രതീക്ഷയുടെ പ്രകാശം തുടരും.

മുള്ളുകൾ വിതച്ച വഴികളിൽ പരാതികളില്ലൊന്നും,
മുൾമുനകൾക്കിടയിലും പുതുവഴികൾക്ക് ആശ്വാസം തുടരും.

കാലത്തിന്റെ കൊടുങ്കാറ്റിൽ മുഖങ്ങൾ മാറിയാലും,
ഹൃദയത്തിൽ കാത്ത സ്നേഹത്തിന്റെ നിശ്വാസം തുടരും.

കണ്ണീരിനും മായ്ക്കാനാവില്ല വേദനയുടെ അടയാളം,
മുറിവുകൾ തുന്നിച്ചേർത്തും ജീവിതത്തിൻ അഭിലാഷം തുടരും.

ഭയത്തിനുമുന്നിൽ മുട്ടുമടക്കില്ല ഈ മനസ്സ്,
വിജയത്തിലേക്കുള്ള യാത്രയിൽ പോരാട്ടത്തിൻ ആവേശം തുടരും.

'ജി. ആർ.' മൗനത്തിലിരുന്ന് കർമ്മത്തിന്റെ ഭാഷ കുറിക്കുമ്പോൾ,
വീഴ്ത്താൻ വന്നവരോടല്ല, ജീവിതത്തോടുള്ള പോരാട്ടത്തിന്റെ വിശ്വാസം തുടരും.

ജി. ആർ. കവിയൂർ
10.11.2026
(തിരുവല്ല, കവിയൂർ)

Comments

Popular posts from this blog

നിന്റെ സ്മിതം പോലെ ( ഗസൽ)

നിശ്ശബ്ദതയുടെ മറവിൽ മറഞ്ഞ പ്രണയം" (ഗസൽ)

അനുഭൂതി (ഗസൽ)