ജീ ആറിന്റെ ഗസൽ വഴികൾ

 ഋതുക്കൾ തോറും .. ഗസൽ  വാസന്തപഞ്ചമിയായ്‌  നീയെന്നിൽ വിരുന്നുവന്നു  ഒരു സുഗന്ധമായ്  വിസ്‌മതിയിലാണ്ടു മനം  വീണ്ടുമുണർത്തി ഗ്രീഷ്മമായ്‌  വിഷു കണിയൊരുക്കി  കർണ്ണികാര വർണ്ണങ്ങളാൽ  കനവിലാഴ്ത്തി നീ എന്നെ  വർഷോത്സവമായ്  ഓണനിലാവായി പടർന്നു  എന്നിലാകെ മധുരം നിറച്ചു  ഊയലാടിയുറക്കി നീ  ഹേമന്തമായ് വന്നു  തിരുവാതിരയാടി  നീ  എന്നിൽ മോഹമുണത്തി  ഋതുക്കൾ തോറും സഖിയേ ..!! ജീ ആർ കവിയൂർ  31 .01 .2021 

 പാടുക നാം . (ഗസൽ ) നിന്നെ കണ്ടപ്പോളോർമ്മ വന്നു  ജീവിതമെന്നത് പൊള്ളും വെയിലും   നീയെന്നത് തണൽവിരിക്കും മരവും  ഇന്നു വീണ്ടും ഞാൻ    പറയ്യാനാഗ്രഹിക്കുന്നതു  ഹൃദയങ്ങൾ തമ്മിലടുക്കുമ്പോൾ  ജീവിതമെന്നത് തിളങ്ങും ഗ്രീഷ്മവും   ശിശിരം പിന്നിട്ടു വരും സുമങ്ങൾ  വിരിയും സുഗന്ധം പകരും വസന്തം  നാമറിയാതെ പോയൊരു ദിനങ്ങൾ  ഇനി തിരികെ കൊണ്ടുവരാൻ  നമ്മൾക്കാവുമല്ലോ പ്രിയതേ  മധുരം നുകരും വണ്ടുകൾ മൂളും  വരികളേറ്റു പാടാമിനിയുമേറെ   ഗസലുകളുണരും  നല്ല നാളുകൾ  നിന്നെ കണ്ടപ്പോളോർമ്മ വന്നു  ജീവിതമെന്നത് പൊള്ളും വെയിലും   നീയെന്നത് തണൽവിരിക്കും മരവും  ജീ ആർ കവിയൂർ  29 .01 .2021 

 ഓർമ്മ സുമം (ഗസൽ ) നീ നൽകിയകന്ന വാക്കിന് സുഗന്ധം  എന്നിൽ തണലേകുമൊരു  ലതാനികുഞ്ചം  അനുഭൂതി പൂത്തുലഞ്ഞു തനവും മനവും  ആനന്ദത്തിൻ  ലഹരിയാൽ തന്തുലം  പറയാനിനി വാക്കുകളായെന്നാലാവതില്ലല്ലോ  പോയിവരികയിനിയും വല്ലപ്പോഴും ഇതു പോൽ  മറവികൾ കൂടൊരുക്കുകിലും രാഗമായി  അനുരാഗമായ് പറന്നൊന്നു ചേക്കേറുക  എത്ര കൽപ്പങ്ങൾ വന്നുപോകിലും  എത്ര പ്രളയപയോധിയിൽ മുങ്ങി  എത്ര വട്ടം വിരിഞ്ചൻ നിൻ സൃഷ്ടി  നടത്തിയാലും മലരമ്പൻ ശരമെയ്യുകിലും   ഓർമ്മകൾ മുത്തമിട്ടു ഉണർത്തുമല്ലോ  നീ നൽകിയകന്ന വാക്കിന് സുഗന്ധം  അനുഭൂതി പൂത്തുലയിക്കും സുമ മഴയായ്  തണലേകുമൊരു  ലതാനികുഞ്ചം പ്രിയതേ ..!! ജീ ആർ കവിയൂർ  27 .01 .2021 

 മിഴിനീരിലോലിച്ചു  (ഗസൽ )   മനസ്സിലെ  ആഗഹങ്ങളെല്ലാം  മിഴിനീരിലോലിച്ചു പോയല്ലോ  ആത്മാർത്ഥത കാട്ടിയിട്ടുമെന്തേ  വിരഹം വിട്ടു പോയില്ലതെന്തേ  ജീവിതം വെറും ദാഹമായി  മോഹമായി മാറിയതെന്തേ  പ്രണയ വർണ്ണങ്ങളെന്തേ  മങ്ങിമാഞ്ഞു പോയതെന്തേ   ആത്മാർത്ഥത കാട്ടിയിട്ടുമെന്തേ  വിരഹം വിട്ടു പോയില്ലതെന്തേ മനസ്സിലെ  ആഗഹങ്ങളെല്ലാം  മിഴിനീരിലോലിച്ചു പോയല്ലോ  ജീവിതാന്ത്യമെന്തെയീവിധം  നീയറിയാതെ പോയല്ലോ  ഓരോ നോവുകളും സഹിച്ചു  ഓർമ്മയായി ജീവിതം മാറുന്നുവല്ലോ  ആത്മാർത്ഥത കാട്ടിയിട്ടുമെന്തേ  വിരഹം വിട്ടു പോയില്ലതെന്തേ മനസ്സിലെ  ആഗഹങ്ങളെല്ലാം  മിഴിനീരിലോലിച്ചു പോയല്ലോ  ദൈവത്തെയും മകറ്റി നിർത്തി  അകൽച്ചയിൽ നീയുമകന്നുവല്ലോ  ആത്മാർത്ഥത കാട്ടിയിട്ടുമെന്തേ  വിരഹം വിട്ടു പോയില്ലതെന്തേ മനസ്സിലെ  ആഗഹങ്ങളെല്ലാം  മിഴിനീരിലോലിച്ചു പോയല്ലോ ജീ ആർ കവിയൂർ  16 .01 .2021 

 നിൻ ഗന്ധം .. (ഗസൽ ) നിൻ സുഗന്ധത്താൽ നിറഞ്ഞ  കത്തുകൾ ഞാനെങ്ങനെ  കത്തിച്ചു കളയുവതെങ്ങിനെ   ആർദ്രമാം പ്രണയത്തിൻ  വർണ്ണങ്ങൾ നിറഞ്ഞതും  നിൻ കൈകളാൽ എഴുതിയ കത്ത്   കത്തിച്ചു കളയുവതെങ്ങിനെ പ്രിയതേ  കൊഴിഞ്ഞിതു ബാല്യകൗമാരങ്ങൾ    ഇത്ര നാളെങ്ങിനെ ലോകമറിയാതെ പറയാതെ നിൻ ഹൃദയത്തിൽ  ഒളിപ്പിച്ചതെന്തിനു നീ പ്രിയതേ  നിൻ സുഗന്ധത്താൽ നിറഞ്ഞ വരികളൊക്കെയിന്നുമെനിക്ക്  നാവിൽ ഒഴുകുന്നുവറ്റാത്ത  അരുവിയിലെ പ്രവാഹം കണക്കെ  രാവെന്നോ പകലെന്നോ  ഓർക്കാതെ ഊണുമുറക്കവും  ഉപേക്ഷിച്ചു പലപ്പോഴായി  ഞാനുമെഴുതിയൊരായിരം  കാവ്യങ്ങൾ മറുപടിയായ്   നിന്നെ കുറിച്ചു മാത്രമായ്  എഴുതി സൂക്ഷിക്കുന്നു പ്രിയതേ  നിൻ സുഗന്ധത്താൽ നിറഞ്ഞ  കത്തുകൾ ഞാനെങ്ങനെ  കത്തിച്ചു കളയുവതെങ്ങിനെ   ആർദ്രമാം പ്രണയത്തിൻ  വർണ്ണങ്ങൾ നിറഞ്ഞതും  നിൻ കൈകളാൽ എഴുതിയ കത്ത്   കത്തിച്ചു കളയുവതെങ്ങിനെ പ്രിയതേ  ഇത്ര നാളെങ്ങിനെ ലോകമറിയാതെ പറയാതെ നിൻ ഹൃദയത്തിൽ  ഒളിപ്പിച്ചതെന്തിനു നീ പ്രിയതേ  നിൻ സ...

 സന്തോഷങ്ങൾ  (ഗസൽ ) വിഷാദം മുരടിക്കും   വേദനയുടെ തീരങ്ങളിൽ  മുളപൊട്ടി വിടരും  സന്തോഷങ്ങൾ നിങ്ങളല്ലോ  എൻ സ്വപ്ന സഞ്ചായവീഥികളിൽ  ഓർമ്മകൾ തീർക്കും വാക്കുകൾ  വരികളായ് മൊഴികളായ്  ഉഷ്ണക്കാറ്റായ് വീശുമ്പോൾ  മരുപ്പച്ചയായി മാറുന്നു  ഗസലുകളായ് മനസ്സിൽ  വിരഹമകറ്റും പ്രണയം വഴിയും  ഗമകം തീർക്കുംഔഷധങ്ങളല്ലോ  വിഷാദം മുരടിക്കും   വേദനയുടെ തീരങ്ങളിൽ  മുളപൊട്ടി വിടരും  സന്തോഷങ്ങൾ നിങ്ങളല്ലോ  ജീ ആർ കവിയൂർ  15 .01 .2021 

 മനമൊഴികളിൽ .. (ഗസൽ ) രചന ജീ ആർ കവിയൂർ  നിറങ്ങളാൽ വിരിയട്ടെ  വാടികയിലെ പൂക്കൾ  തെന്നൽ കൊണ്ടുവരട്ടെ  വസന്തത്തിൻ  അലകൾ  വിഷാദമൊഴിയട്ടെ  മനമിഴികളിൽ  നിന്നും ഒരുവരിയാരെയെങ്കിലും    പാടി കേൾക്കുമെന്നാശിച്ചു   നോവിന്റെ ഇടനാഴികളിൽ  നനവാർന്ന തലോടലുകളാണ്  മൊഴികളിൽ നിന്നുമുതിരുമീ  ഗസൽ വഴികളിലൂടെ നടക്കുമ്പോൾ  താളലയമാർന്ന ഗാന വീചികൾ  മരുന്നുപോൽ വന്നുനിറയട്ടെ  പ്രാണനിൽ പ്രാണനായി മാറട്ടെ  പ്രിയേ നിൻ സ്വപ്ന സാമീപ്യം  നിറങ്ങളാൽ വിരിയട്ടെ  വാടികയിലെ പൂക്കൾ  തെന്നൽ കൊണ്ടുവരട്ടെ  വസന്തത്തിൻ  അലകൾ  15 .01 .2021 

നാമൊന്ന് - (ഗസൽ ) ഇനി നാം തമ്മിൽ വേർപെട്ടുപോകിൽ കനവിന്റെ നിറവിൽ കണ്ടുമുട്ടുമല്ലോ   പുസ്തകത്തിലെ ഉണങ്ങിയ പൂവ് പോൽ  അക്ഷരപ്പൂവ് വിരിയും ഗസലുകളാൽ     മനസ്സുകൾ തമ്മിൽ അടുക്കും മെല്ലെ  മുത്തുകൾ  കോർക്കും മാലയിലെ  നൂലു പോലെ ഒന്നാക്കുന്നു  നമ്മുടെ  ജീവിതം നീളുന്നു പ്രണയാതുരമായ്  സ്നേഹം നിത്യം വളരുമല്ലോ ലത പോൽ  പരസ്പര വിശ്വാസത്തിൻ ശ്വാസത്താൽ   മാനുഷിക മൂല്യങ്ങൾക്ക് അറുതിവരാ  ഉള്ളിൽ നിറയട്ടെ കാരുണ്യം നിത്യം  ഞാനെന്നും നീയെന്നും രണ്ടല്ല  ഒന്നാണെന്ന സത്യം തിരിച്ചറിയുക  ആനന്ദ പൂരിതമാം അനുഭൂതിയിൽ  ലയിക്കട്ടെ ജന്മ ജന്മാന്തരങ്ങളായി  ഇനി നാം തമ്മിൽ വേർപെട്ടുപോകിൽ കനവിന്റെ നിറവിൽ കണ്ടുമുട്ടുമല്ലോ   പുസ്തകത്തിലെ ഉണങ്ങിയ പൂവ് പോൽ  അക്ഷരപൂവ് വിരിയും ഗസലുകളാൽ     ജീ ആർ കവിയൂർ  05  .01 .2021

 പറയുവാനുണ്ട് .. (ഗസൽ ) ഇല്ല ഒട്ടുമേയില്ല സങ്കോചം നിന്നോടീ വേദിയിൽ വെച്ചു തീരാത്ത വാക്കുകളുടെ നോവ്  പറ‌യുവാനുണ്ടെന്നറിക .. വെളുക്കുവോളമീ രാവിൽ  നിൻ കണ്ണിൽ കത്തിയെരിയുമാ  പ്രണയത്തിൻ ചിരാതിൻ വെളിച്ചമണയാതെയരിക്കട്ടെ ചുണ്ടുകളിൽ പടരുമാ ലഹരിയും  മുല്ലപ്പൂ വിടരും പുഞ്ചിരിയും  മായാതെയിരിക്കട്ടെ ഇന്നുയീ  ഗസൽ രാവ്  നിനക്കായി ... ഇല്ല ഒട്ടുമേയില്ല സങ്കോചം നിന്നോടീ വേദിയിൽ വെച്ചു തീരാത്ത വാക്കുകളുടെ നോവ്  പറ‌യുവാനുണ്ടെന്നറിക .. ജീ ആർ കവിയൂർ  05 .01 .2021