Posts

Showing posts from October, 2026

ദുഃഖങ്ങളെ പൂക്കളായ് ചേർക്കാം(ഗസൽ)

Image
ദുഃഖങ്ങളെ പൂക്കളായ് ചേർക്കാം (ഗസൽ) ദുഃഖങ്ങളെ പൂക്കളായ് ചേർക്കാം കണ്ണുനീരിൽ സ്നേഹനിലാവായ് ചേർക്കാം തകർന്നുപോയ സ്വപ്നങ്ങളെയെല്ലാം പുതിയ പ്രതീക്ഷപ്പൂവായ് ചേർക്കാം വഴികളിൽ കൊടുങ്കാറ്റുയർന്നാലും മനസ്സിൽ ധൈര്യക്കനലായ് ചേർക്കാം നൊമ്പരങ്ങൾ ഹൃദയത്തെ തൊടുമ്പോൾ മധുരമാം ഈണസ്വരമായ് ചേർക്കാം പിണങ്ങിപ്പോയ പ്രിയരെയെല്ലാം പുഞ്ചിരിതൻ പൂമഴയായ് ചേർക്കാം ജി ആർ, ജീവിതമെന്ന ഗസലിൽ ഓരോ വേദനയും ചിരിയായ് ചേർക്കാം രചന: ജീ ആർ കവിയൂർ 31 10 2026 (തിരുവല്ല, കവിയൂർ)

ज़िंदगी एक आईना है (ग़ज़ल) ജീവിതമൊരു കണ്ണാടി (ഗസൽ) Bilungal

Image
ज़िंदगी एक आईना है (ग़ज़ल) ജീവിതമൊരു കണ്ണാടി (ഗസൽ) ज़िंदगी के आईने में चेहरे नज़र आते हैं, वक़्त के हाथों में सपने सँवरते जाते हैं। ജീവിതമെന്ന കണ്ണാടിയിൽ മുഖങ്ങൾ തെളിഞ്ഞു നിൽക്കുന്നു, കാലത്തിന്റെ കൈകളിൽ സ്വപ്നങ്ങൾ മായാതെ വരുന്നു। मुस्कुराहटों के पीछे दर्द छुपा रहता है, दिल के ज़ख़्म वक़्त से भी मिटाए नहीं जाते हैं। ചിരിയുടെ പിന്നിലെ വേദന ആരും അറിയുന്നില്ല, മനസ്സിന്റെ മുറിവുകൾ കാലം മായ്ക്കാതെ വരുന്നു। कल के देखे हुए ख़्वाब यादों में बस जाते हैं, आने वाले कल के दीप दिल में बुझाए नहीं जाते हैं। ഇന്നലെ കണ്ട കിനാവുകൾ ഓർമ്മയിൽ നിറയുന്നു, നാളെയുടെ പ്രതീക്ഷകൾ ഉള്ളിൽ അണയാതെ വരുന്നു। अपने कहे थे जिनको, दूर होते चले जाते हैं, प्यार की असली क़ीमत समझने में देर लगाते हैं। സ്വന്തമെന്നു കരുതിയവർ അകലെയായി പോകുന്നു, സ്നേഹത്തിൻ വിലയറിയാൻ ജീവിതം വൈകാതെ വരുന്നു। क़िस्मत की राहों में कई लोग थक जाते हैं, गिरकर भी उठने वाले कभी हौसला नहीं हारते हैं। വിധിയുടെ വഴികളിൽ പലരും തളർന്നുപോകുന്നു, വീണിടത്തു നിന്നുയരാൻ മനസ്സ് തളരാതെ വരുന്നു। जी. आर., तू ज़िंदगी को गले लगाकर आगे बढ़, अँधेरों में भी उम्मीद क...

കരയാതെ മനസ്സേ (ഗസൽ)

Image
കരയാതെ മനസ്സേ (ഗസൽ) കരയാതെ മനസ്സേ, കരയാതെ, കണ്ണുനീരിൽ കുതിർന്നലിയാതെ. മറവിയുടെ മൂടുപടം ചാർത്തിയാലും, മുറിവിന്റെ ഓർമ്മകൾ മായാതെ. നിറയുന്ന രാവിന്റെ നിശ്ശബ്ദതയിൽ, നിലാവിന്റെ നൊമ്പരം തീരാതെ. പിരിയുന്ന വഴിയിൽ തിരിഞ്ഞു നോക്കുമ്പോൾ, പഴയൊരു സ്നേഹവും പറയാതെ. ചിരിയുടെ പിന്നിലെ തേങ്ങലറിഞ്ഞും, ചിലരൊക്കെ അരികിൽ അണയാതെ. ജീ ആർ പാടുന്നു മൗനരാഗം, ജീവിതം തീർത്തൊരു ഗസൽ മായാതെ. ജീ ആർ കവിയൂർ  27 10 2026 ( തിരുവല്ല, കവിയൂർ)

ഒരു നീലനിലാവിൻ നിഴലിൽ (ഗസൽ)

Image
ഒരു നീലനിലാവിൻ നിഴലിൽ (ഗസൽ) ഒരു നീലനിലാവിൻ നിഴലിൽ കണ്ടു, നാണപ്പൂ വിരിയും മിഴികളിൽ കണ്ടു. മണൽവഴി നീളും മൗനത്തിൻ തുടിപ്പ്, മറന്നുപോയൊരു സ്വപ്നം തണുപ്പിൽ കണ്ടു. പറയാതെ പോയൊരു പ്രണയമറിഞ്ഞു, പറയാനാവാത്ത മൗനത്തിൽ കണ്ടു. കണ്ണീരിൽ കുതിർന്നൊരു ജന്മത്തിൻ നൊമ്പരം, കാലങ്ങൾ മായ്ച്ചൊരു ഓർമ്മയിൽ കണ്ടു. നീ നൽകിയ വേദനയിലും നിന്നിൽ അലിഞ്ഞു, നീ അകന്നുപോയിട്ടും അരികിൽ കണ്ടു. ജീ ആർ തേടിയ പ്രണയത്തിൻ തീരം കണ്ടു, നീ വരാത്ത വഴിയിൽ കാത്തിരിപ്പു കണ്ടു. ജീ ആർ കവിയൂർ  27 10 2026 ( തിരുവല്ല, കവിയൂർ)

അരികിലെത്തിയവർ അകലുമ്പോൾ(മലയാള ഗസൽ)

Image
അരികിലെത്തിയവർ അകലുമ്പോൾ (മലയാള ഗസൽ) അരികിലെത്തിയവർ അകലുന്നു, ഓർമ്മകൾ മുറിവായ് മാറിപ്പോകുന്നു, മനസ്സിൽ വിരിഞ്ഞൊരു പ്രണയപ്പൂവ്, കണ്ണീരിൽ വീണു വാടിപ്പോകുന്നു. ചിരിയുടെ പിന്നിലെ നോവുകൾ ആരും അറിയാതെ മറയുന്നു, ചേർത്തുപിടിച്ച കരങ്ങൾ പോലും പാതിവഴിയിൽ പിരിഞ്ഞുപോകുന്നു. മരുന്നുമായ് വന്നവർ തന്നെയല്ലോ മുറിവുകൾ ആഴത്തിലാക്കിയത്, കരുണയുടെ മുഖംമൂടിയണിഞ്ഞ് ഹൃദയത്തിൽ വിഷം നിറയ്ക്കുന്നു. വിശ്വാസമെന്നൊരു ദീപം കാറ്റിൽ വിറച്ചുവീണു കെടുന്നു, പ്രതീക്ഷതൻ അവസാന നാളവും നിശ്ശബ്ദമായ് അണഞ്ഞുപോകുന്നു. തനിച്ചിരുന്നെത്ര രാത്രികൾ നിൻ ഓർമ്മയിൽ ഞാൻ കരഞ്ഞു, മിഴികളിൽ ഉറങ്ങാത്ത സ്വപ്നങ്ങൾ മഞ്ഞുതുള്ളിയായ് പൊഴിഞ്ഞുപോകുന്നു. കാലം വരച്ച മുറിവുകളെ കാലംതന്നെ മായ്ക്കുമെന്നോ, പഴയൊരു പാട്ടിന്റെ ഈരടികൾ നെഞ്ചിനുള്ളിൽ മുഴങ്ങിപ്പോകുന്നു. ജീ ആർ എഴുതുന്ന ഗസലിൽ സ്വന്തം ഹൃദയം തുറന്നുവെക്കുന്നു, അകലുന്നവരോടും സ്നേഹം ബാക്കി, വരികളായി ഒഴുകിപ്പോകുന്നു. രചന: ജീ ആർ കവിയൂർ 15 10 2026 ( തിരുവല്ല, കവിയൂർ)