മിഴികളിലെ അവസാന സ്വപ്നം
മിഴികളിലെ അവസാന സ്വപ്നം
നിൻ പ്രണയം മറന്നിടും നാളിൽ പ്രിയേ,
ഈ ജീവൻ വിടവാങ്ങും വേളയിലേ,
നിൻ രൂപം കാണാത്ത മിഴികൾ രണ്ടും,
നിലാവില്ലാ രാവിൽ മയങ്ങിടട്ടെ.
കരളിൽ കൊളുത്തിയ സ്നേഹദീപം,
കണ്ണീരിൽ കുതിരട്ടെ മൗനഗാനം,
അകലുന്ന നേരത്തും അരികിലായ്,
അറിയാതെ ഒഴുകട്ടെ ഓർമ്മയായ്.
വസന്തം പൊഴിച്ചൊരു പൂവിതളേ,
വിരഹം തഴുകിയൊരു മധുമാസമേ,
നിറമുള്ള സ്വപ്നങ്ങൾ കൊഴിഞ്ഞാലും,
നിറയട്ടെ നെഞ്ചിൽ നിൻ സ്മരണയും.
മറ്റൊരു മുഖത്തിലും മിഴി പതിയാതെ,
മറ്റൊരു സ്വപ്നവും മനസ്സിലുണരാതെ,
അവസാന ശ്വാസത്തിൻ നിമിഷം വരെ,
അനുരാഗം കാത്തിടും അന്ത്യമിതുവരെ.
ജി. ആർ. കവിയൂർ
10.11.2026
(തിരുവല്ല, കവിയൂർ)
Comments
Post a Comment