നീ പോയതിനു ശേഷം,( ഗസൽ)
നീ പോയതിനു ശേഷം,( ഗസൽ)
വീണ്ടും മനസ്സിനു ശാന്തി കിട്ടിയില്ല നീ പോയതിനു ശേഷം,
ഓരോ വാക്കിലും നൊമ്പരം നിറഞ്ഞു നീ പോയതിനു ശേഷം.
വിഷാദസന്ധ്യ ചോദിച്ചു എൻ മനസ്സിന്റെ വേദന,
പറയുവാനൊരു വാക്കുമില്ല നീ പോയതിനു ശേഷം.
ജീവിതകാലം സ്വന്തമെന്നു കരുതി സ്നേഹിച്ച നിന്നെ,
വിധിയെന്നോണം അകന്നു നീ പോയതിനു ശേഷം.
മനസ്സിലെ ദീപം അണഞ്ഞു, വെളിച്ചവും മാഞ്ഞുപോയി,
ഇരുളായ് മോഹം പടർന്നു നീ പോയതിനു ശേഷം.
നിന്റെ ഓർമ്മകൾ മാത്രം എന്നെ വിട്ടുപോയില്ലല്ലോ,
ഓരോ മുറിവും വീണ്ടും പൂത്തു നീ പോയതിനു ശേഷം.
എന്തായിരുന്നു നിന്നോടുള്ള ബന്ധമെന്നറിയില്ല,
എന്നിൽ നിന്നുപോലും ഞാൻ അകന്നു നീ പോയതിനു ശേഷം.
‘ജി ആർ’ ഇന്നും നിൻ ഓർമ്മയിൽ മനസ്സിനെ ചേർത്തുവെക്കും,
എന്നാലും നൊമ്പരം മാറിയില്ല നീ പോയതിനു ശേഷം.
രചന: ജീ ആർ കവിയൂർ
13 -09-2026
(തിരുവല്ല, കവിയൂർ)
Comments
Post a Comment