നിന്റെ മൗനം (ഗസൽ/
നിന്റെ മൗനം (ഗസൽ/
നിന്റെ മൗനം എൻ ഹൃദയത്തിൽ കവിതയായി തോന്നുന്നു
നിന്റെ നോട്ടം എൻ മനസ്സിൽ നിലാവായി തോന്നുന്നു
ചൊല്ലാതെ നീ മൗനമാകുന്നത്
എൻ ഏകാന്ത രാവിൽ ഒരു കവിതയായി തോന്നുന്നു
അകലെയാണെങ്കിലും നീ അരികിലുണ്ടെന്നോണം
ഓരോ ശ്വാസവും നിന്റെ പ്രണയമായി തോന്നുന്നു
നിന്നോർമ്മകൾ വന്നെത്തും നിശാശാന്ത വേളയിൽ
ഉറങ്ങാത്ത കണ്ണുകൾക്ക് അതൊരു കനവായി തോന്നുന്നു
നീ കടന്നുപോയ വഴികളിൽ ഇന്നും കാത്തുനിൽക്കും
ഓരോ കാൽപ്പാടും എൻ ഹൃദയരാഗമായി തോന്നുന്നു
നിന്റെ വിരഹം പോലും മധുരമാകുന്നുവെന്നോണം
എൻ കണ്ണുനീർ പോലും ഒരു ഗാനമായി തോന്നുന്നു
കാലം മറച്ചുവെച്ച നിമിഷങ്ങൾ തിരികെ വരുമ്പോൾ
ഓരോ ഓർമ്മയും വീണ്ടും പുതുമയായി തോന്നുന്നു
‘ജി ആർ’ ഈ മൗനത്തിന്റെ അർത്ഥമെന്തെന്നറിയില്ല
നിന്റെ സ്നേഹം മാത്രം എൻ ജീവിതമായി തോന്നുന്നു
ജീ ആർ കവിയൂർ
16 08 2026
(തിരുവല്ല, കവിയൂർ)

Comments
Post a Comment