മറവിയുടെ മൗനം (ഗസൽ)

 മറവിയുടെ മൗനം (ഗസൽ)

സ്വന്തം പേരുപോലും മെല്ലെ മാഞ്ഞുപോകുന്നു,

കണ്ണുനീർ തങ്ങിനിൽക്കും ചിരി മാത്രം അവശേഷിക്കുന്നു.

പ്രിയതമയുടെ മുഖം മുന്നിൽ തെളിഞ്ഞു നിൽക്കുമ്പോഴും,

അറിഞ്ഞോ അറിയാതെയോ അവൻ ദൂരെയാകുന്നു.

പിന്നിട്ട കാലത്തിൻ നിഴലുകൾ മാഞ്ഞുപോയിടവേ,

നാളെയെന്ന വാക്കുപോലും അർത്ഥശൂന്യമാകുന്നു.

പദപ്രശ്ന കള്ളികൾ പൂരിപ്പിച്ച നാളുകൾ,

നിശബ്ദമാം വഴികളിൽ വെറുതെ അവശേഷിക്കുന്നു.

കൂട്ടുകാരും തോഴരും അരികിലെത്തിടുമ്പോഴും,

ഓർമ്മതൻ തടവറയിൽ അവൻ തനിച്ചാകുന്നു.

നമുക്കും വരാം ഈയൊരു നിശബ്ദ വിധിനാൾ,

ജീവിതം അതൊരു ഓർമ്മക്കടലായ് മാറുന്നു.

ഇതൊരു രോഗമല്ല 'ജീ ആർ', ഇതൊരു യാത്രയാണ്,

മറവിതൻ ലോകത്തേക്ക് അവൻ നടന്നകലുന്നു.

രചന: ജീ ആർ കവിയൂർ

16.02.2026

( കാനഡ, ടൊറൻ്റോ)