ഓർമ്മ നിലാവ് .. (ഗസൽ )

 ഓർമ്മ നിലാവ് .. (ഗസൽ )


ചിരാതുകൾ മിഴിചിമ്മിയുണരുന്ന നേരം 
ചിരകാല സ്വപ്നങ്ങളൊക്കെ നെഞ്ചിലേറ്റി 
ചിങ്ങ നിലാകുളിർ പെയ്യുമീ രാവിതിൽ
ചിന്തകളൊക്കെ നിന്നെക്കുറിച്ചായിരുന്നു 

കാലത്തിനുമപ്പുറത്ത് കലാലയത്തിലെ 
കർണ്ണികാരച്ചോട്ടിലായ്  കണ്ടകന്നപ്പോൾ 
കളിചിരി പറഞ്ഞു പിരിയുന്ന നേരത്തു
കണ്ണിൽ മിന്നിയൊരു മത്താപ്പൂത്തിരി 

മറക്കാതെ നെഞ്ചിലിപ്പോഴും സൂക്ഷിക്കുന്നു 
മിഴിയിണകളിലെ ഭാവങ്ങളൊക്കെയിന്നും 
മിടിപ്പൊടെ എഴുതി വായിക്കുമ്പോളറിയാതെ 
മനമൊരു .മയിലായി മാറുന്നു വല്ലോ സഖീ ..اا

ജി ആർ കവിയൂർ 
28.08.2020

Comments

Post a Comment

Popular posts from this blog

നിശ്ശബ്ദതയുടെ മറവിൽ മറഞ്ഞ പ്രണയം" (ഗസൽ)

നിശ്ശബ്ദതയുടെ മറവിൽ മറഞ്ഞ പ്രണയം" (ഗസൽ) എന്തിനാണ് നീ എന്നെയിത്ര പ്രണയത്തിലാഴ്ത്തിയത്? അവസാനം നീ നിശ്ശബ്ദമായി പിന്മാറിയത് എന്തുകൊണ്ട്? എന്റെ ഹൃദയത്തെ നിന്റെ നോട്ടം ഇങ്ങനെ ചുട്ടതെന്തിന്, പിന്നീട് നീ പകലിനെയും രാവിനെയും വിട്ട് അകലുന്നത് എന്തുകൊണ്ട്? പ്രതി ദിനം സന്ധിച്ചിരുന്ന ഓരോ പ്രഭാതവും നിനക്കായ് മാത്രം പുഞ്ചിരിച്ചു, ഇപ്പോൾ അത് അഗാധമായ ദുഃഖത്തിലേക്ക് മാറിയത് എന്തുകൊണ്ട്? നിന്റെ വരവിൽ സങ്കൽപ്പിച്ചിരുന്ന സ്വപ്നങ്ങളെല്ലാം, ഇന്ന് അവ നൈരാശ്യത്തിന്റെ ചിത്രങ്ങളായി മാറിയത് എന്തുകൊണ്ട്? ഒരേ ഒരു തവണ ഞാൻ നിൻ്റെ കൂടെ നിന്നാൽ എല്ലാം മറക്കില്ലയെന്ന വാഗ്ദാനം നീ ചെയ്തുവല്ലോ, പിന്നീട് ഈ ദൂരം സംഭവിച്ചത് എന്തുകൊണ്ട്? "ജി.ആർ." നിന്റെ പേര് എഴുതി തുടങ്ങുമ്പോഴാണ്, എന്റെ പേന കണ്ണുനീരിൽ മുങ്ങിപ്പോയത് ജീ ആർ കവിയൂർ 21 11 2024
Read more

നീ പാടിയ പാട്ടിന്റെ ( ഗസൽ )

നീ പാടിയ പാട്ടിന്റെ ( ഗസൽ ) നീ പാടിയ പാട്ടിന്റെ  പല്ലവി കെട്ടയെൻ  മനം വല്ലാതെ  അലിഞ്ഞു പോയി  അറിയാതെ ഞാൻ  നിന്നെയെൻ അകതാരിൽ  പ്രതിഷ്ഠിച്ചു പോയി  എന്തെന്നില്ലാത്തൊരു അഭിനിവേശം  അതിനെന്തു പേരുവിളിക്കും  പ്രണയമെന്നോ അതോ പ്രേമം എന്നോ  അറിയില്ല സഖി  അറിയില്ല  അറിയില്ല സഖി അറിയില്ല  ജീ ആർ കവിയൂർ  24 03 2023
Read more

വസന്തം വന്നുവല്ലോ സഖി (ഗസൽ)

മലയാളത്തിൽ ഗസലിൻ്റെ നിയമങ്ങൾ പാലിച്ച് എഴുതിയത് വസന്തം വന്നുവല്ലോ സഖി (ഗസൽ) കണ്ണിൽ കണ്ണിൽ നോക്കുമ്പോൾ, ഹൃദയം തെളിഞ്ഞു — വസന്തം വന്നുവല്ലോ സഖി കിളികളുടെ ഗാനമൊച്ചയിൽ, ഹൃദയം വിളങ്ങി — വസന്തം വന്നുവല്ലോ സഖി ശലഭം ചിറകുകൾ വിരിച്ചപ്പോൾ, പൂന്തോട്ടം നിറഞ്ഞു — വസന്തം വന്നുവല്ലോ സഖി മരുവിൻ മണമൊഴുകിയപ്പോൾ, ജീവിതം തെളിഞ്ഞു — വസന്തം വന്നുവല്ലോ സഖി നക്ഷത്രങ്ങൾ കൺചിമ്മിയപ്പോൾ, രാത്രി തെളിഞ്ഞു — വസന്തം വന്നുവല്ലോ സഖി “ജീ ആർ” കവിതയിൽ എഴുതിയപ്പോൾ, ഗാനം വിളങ്ങി — വസന്തം വന്നുവല്ലോ സഖി ജീ ആർ കവിയൂർ 28 08 2025 ( കാനഡ , ടൊറൻ്റോ) പ്രിയ സുഹൃത്തുക്കളെ ഇത്  മലയാളം ഗസൽ എങ്ങനെ ആകുന്നു? ഗസൽ ഒരു പ്രത്യേക കാവ്യരൂപമാണ്, താഴെ പറയുന്ന ഘടകങ്ങളോടുകൂടി: 1. മത്സല (Matlaa) – ആദ്യ രണ്ടു വരികൾ ഒരേ റദീഫ് (repeated phrase) ഉപയോഗിച്ച് തുടങ്ങണം. 2. ശേർ / കപ്ലറ്റ് (Couplets) – എല്ലായുള്ള ഓരോ ശേറും സ്വതന്ത്രമായിരിക്കണം, പക്ഷേ റദീഫ് + കാഫിയ (rhyming word before refrain) ഒരേ രീതിയിൽ ആവർത്തിക്കണം. 3. മക്ത (Maqta) – അവസാന ശേറിൽ കവി തൻ്റെ പേര് അല്ലെങ്കിൽ തഖല്ലുസ് (tag) ഉൾപ്പെടുത്തുന്നു. 4. ഭാവം – പ്രധാനമായി പ്രണയം, പ്രകൃതി, സ്നേഹം, ഓർ...
Read more